Noticias do clube
Importante vitoria do primeiro equipo
Publicado o 23/01/12
Vitoria do primeiro equipo de Campus Ourense Rugby nun difícil encontro fronte a Ferrol RC.
Nun inicio explosivo os visitantes adiantáronse no marcador cunha boa xogada individual que rematou en ensaio transformado.
Os locais recuperanronse axiña do golpe e con tres ensaios deron a volta ao marcador antes do descanso.
Na segunda parte os ourensáns continuaron a dominar o balón, cunha dianteira que levaba a iniciativa en meles e touches.
Dous ensaios mais encarrilaban a vitoria e aseguraban o punto bonus para o Campus que aínda así complicouse o final do encontro con dous erros defensivos que permitiron aos ferroláns achegarse no marcador con senllos ensaios que deixaron o final do encontro moi emocionante.
Ao final do encontro 25-19 para os locais que continúan na cuarta praza da clasificación.
Derrota Cadete
Publicado o 23/01/12
Derrota dos cadetes nun partido moi igualado, no que o equipo local non foi merecedor da derrota.
Os cadetes que disputaron o seu encontro ás dúas da tarde deste domingo, ofreceron novamente unha moi boa imaxe fronte o actual campión da competición que a pesar de atoparse en horas baixas segue a ter unha das mellores escolas de rugby de Galicia.
A primeira parte na que o resultado remataba cun empate a 12, vía como o inicio da segunda parte os locais tomaban a dianteira por 17 a 12 pero dúas cuestionables decisións do árbitro facilitaron a acción ofensiva dos visitantes outorgando dous ensaios que deixaban o resultado final en 17 - 24.
A vindeira fin de semana os das burgas enfrontaranse os de Vigo nun partido para o que os visitantes parten como claros favoritos tras a súa vitoria fronte o primeiro clasificado na pasada xornada.
Por Yayo
Partidos fin de semana
Publicado o 20/01/12
O primeiro equipo de Campus Ourense Rugby recibirá o domingo ás 16 horas a Ferrol RC.
Será o primeiro partido da segunda volta do campionato, e de seguro pouco terá que ver co da primeira volta onde os ourensáns impuxéranse de xeito doado a domicilio.
Os equipo ferrolán visita Ourense moi motivado, sendo un dos equipo revelación da primeira volta.
Ambos equipos están separados na clasificación por tan só dous puntos.
O Campus Ourense Rugby recupera aos irmáns Martínez Dobaño e a Rucho para este encontro, quen sen dúbida aportarán experiencia a un moi novo equipo.
O encontro disputarase ás 16 horas do Domingo no Estadio Universitario de Ourense.
Partido Cadete
O mesmo domingo pola mañá, ás 12 horas tamén no Estadio Universitario disputarase o partido da liga cadete entre os locais, Campus Ourense e CRAT A Coruña, un equipo que actualmente é o campión da competición e que a pesar de atoparse en horas baixas presentará un alto nivel de xogo e presentase batalla para o partido.
Os dous equipos chegan moi igualados na clasificación cun só punto de diferenza o que parece a priori que nos permitirá gozar dun encontro moi igualado.
Por todo iso e a partir das 12:00 no campo da universidade esperamos que se poidan sumar o maior número posible de afeccionados para animar e axudar ao equipo ante un partido tan igualado.
Partido Feminino
O equipo feminino de Campus Ourense Rugby disputará o Sábado en A Coruña un importante encontro fronte a a Zalaeta RC.
As ourensáns terán que dalo todo no campo para conseguir a primeira vitoria do ano, fronte a un rival a priori, moi similar.
O encontro disputarase ás 14 horas no campo da Universidade de A Coruña
Vitoria Cadete en Ferrol
Publicado o 17/01/12
O pasado sábado xogábase en Ferrol un enfrontamento directo no medio da categoría cadete entre o equipo de Ferrol e o de Ourense.
As expectativas que se esperaban para o encontro non eran moi boas debido as baixas que presentaba o equipo das burgas, de feito o encontro foi moi igualado durante a primeira parte na que ningún dos dous equipos acadou unha clara diferencia respecto do outro equipo xa que non sería ata o minuto 38 no que o equipo Ourensán tomaría a iniciativa no marcador sumando o terceiro ensaio do capitán Iago que poría o marcador nun 12 - 21 o final da primeira parte.
A segunda parte marcou claramente a diferencia física que presenta o equipo das burgas, que aumentaría o seu marcador con catro ensaios máis deixando o resultado final en 27 - 47.
Como máis positivo do encontro sen lugar a dúbida o rendemento físico do equipo o completo e a máis que boa actitude no campo entregándose e dando todo o que puideron.
Como aspecto negativo a baixa por lesión do noso capitán Iago, quen retorceu un xeonllo e será baixa durante unhas semanas, co que lle desexamos unha boa e pronta recuperación para volvelo ver con nos o antes posible.
Por Eduardo de la Fuente (Yayo)
Vitoria axustada fronte a Fendetestas
Publicado o 16/01/12
Nun moi pelexado encontro o primeiro equipo de Campus Ourense Rugby impúxose a Fendetestas As Pontes cun resultado de 11-9.
O frío, a choiva e a saraiba foron os protagonistas do primeiro tempo no que ningún dos equipos puido desenvolver un xogo dinámico. Foi un rugby físico e trabado, coas dianteiras traballando e loitando por cada balón.
Os visitantes adiantáronse cun par de golpes de castigo para chegar ao descanso cun resultado de 0-6.
Na segunda metade os ourensáns tomaron o dominio da pelota, aínda que con moitos problemas para finalizar os ataques. Sí o fixeron nunha das poucas xogadas á man, onde Licenciado conseguir pousar o balón preto da bandeira de esquina.
Aos poucos minutos o Campus Ourense adiantábase por primeira vez no encontro cun golpe de castigo transformado por Ariel. Axiña responderon os visitantes que se volvían a adiantar con outro golpe de castigo 8-9.
Foi xa nunha das últimas xogadas onde un ataque á desesperada dos ourensáns finalizou cun golpe de castigo cometido pola defensa do Fendetestas, golpe que Ariel transformou para finalizar o encontro cunha agónica vitoria por 11-9.
A vindeira semana Campus Ourense Rugby recibe a Ferrol no Estadio Universitario de Ourense.
